Page 225 - Неизвестное название

Өгүрүк-төгүрүк көрөн,
Үтүө сылгы барахсан
Үүннүүн-ыҥыырдыын,
Тэһиинниин-көнтөстүүн
Нэлэһийэн тиийэн кэлэн,
Тус иннигэр чугурус гына,
Тохтуу түстэ.
Били кынарын кытта
Тустуулаах Дьуруо Бөҕө
9410 Хатыы өркөн тэһииниттэн
Хаҥас илиитинэн
Хапсаҕай үлүгэрдик
Харбаан ылаат,
Өксөкү кыыл курдук
Үрдүгэр дап гына олоро түстэ.
Атын тэһиинин
Тус соҕуруу диэки
Салайа тардан кэбиһэрин кытта
Солоҥдо тураҕас ата барахсан
9420 Сай самаан сайылыктарыгар
Сайылаан-дьаарбайан,
Холбуу-силбии
Хочолоох толоотторугар
Көччүйэн-куруланан,
Ачаалаах алаастарыгар
Аһаан абыранан,
Бэттиэмэлээх сирэмигэр
Мэччийэн-мэнээктээн,
Уйгулаах-быйаҥнаах
9430 Уһун үрэхтэринэн
Уойан-тотон,
Тупсан-төлөһүйэн,
Толору эттэнэн,
Хоччохой куҥнанан,
Ньалхаархай таманнанан,
Самыыта төгүрүйэн,
Иэнэ куоһаахтанан,
Элэйбэт иҥиирдэнэн,
Сылайбат сындааһыннанан,
9440 Бүдүрүйбэт сүһүөхтэнэн,
Түөһэ томтойон,
Саала тэмтэйэн,
Уруккутунааҕар уонунан оппут,
- 224 -