Page 226 - Неизвестное название

Биэһинэн бэртээбит,
Ордук уоҕурбут,
Эбии эпчимирбит.
Ириэнэх сири
Ирбэт тоҥор тиийэ
Илдьи тэптэ,
9450 Томтор сири
Тоҥ булууһугар диэри
Тобулу тэбиннэ,
Үрдүк хара тыалар
Үөл мастарын
Өлөҥ ыт курдук
Өҕүлүннэрэн үтүрүйдэ,
Сис хара тыалар
Дьылҕан мастарын
Сэтиэнэх от курдук
9460 Силэйэ тэбиннэ,
Куруҥ хара тыалар
Куруҥах тииттэрин
Кур кулуһун курдук
Кумалаан куугунатан барда,
Хардаҥ хара тыалары
Хаппыт хомус курдук
Хардырҕаччы тэбистэ.
Айан киэнэ
Ахсымын айаннаан,
9470 Силлиэ курдук силигирэйдэ,
Буурҕа курдук бурҕачыйда,
Тэһииниттэн тэбиэһирдэ,
Көнтөһүттэн күүһүрдэ,
Уостуганыттан уоҕурда,
Тэтиэнэхтик тэбиннэ,
Халыаннык хамсанна,
Чучурааннык тутунна,
Аллаахтык айаннаата.
Төҥүргэстиин түөрүллэн
9480 Төкүнүһэн истилэр,
Сыгынахтыын сыыллан,
Сытынньаҥныын эргийэн
Сыылыҥхайдаһан бардылар,
Сиппэхтиин тиэриллэн,
Көтөҕөлүүн күөрэйэн,
Көппөхтүүн көтөн,

- 225 -