Page 228 - Неизвестное название

Хахаарар куоҕастаах,
Хайаарар хоптолоох,
Кыҥкынас кыталыктаах,
Хаҥкынас хаастаах,
9620 Чугдаарар туруйалаах.
Анды-арылыас арыаллаабыт,
Ураанай-биргинэх ууһаабыт,
Мороту-моонньоҕон мустубут,
Кус-хаас хойдубут.
Көтөр кынаттаах
Көччүйэн көрүлээбэт,
Баараҕай байҕаллаах,
Күндэлэс күөллэрдээх
Далгыра далайдаах.
9630 Өрөҕөр көҕүллээх үөрдээбит,
Сыспай сиэллээх сыһааҕырбыт,
Атырдьах туйахтаах арыаллаабыт,
Бараах ньырай барааласпыт,
Тураах кулун тоҕуоруйбут,
Торҕо күөх толоонноох,
Хочо унаар хонуулаах,
Кытаайка кырдаллаах,
Солко томтордоох,
Харбанньык халдьаайылаах,
9640 Хатта хайалаах,
Эт эркиннээх,
Иэдьэгэй бадарааннаах,
Сүүмэх тураҥнаах,
Сөҥ сүөҥэй*
Чоспоро чүөмпэлэрдээх,
Анна биллибэт
Араҕас илгэ
Арыы далайдаах,
Үргүлдьү сүүрэр
9650 Үүт үрэхтэрдээх.
Үтүө дойду
Үллэр үөһүгэр
Үрүҥ сүүһүгэр,
Үрдүк арҕаһыгар,
Өрөгөйдөөх көҕүлүгэр
Үөскээн иитиллибит
Төлөһүйбүт төрүөхтэрэ,
Уһун уруулара,
- 229 -