Page 232 - Неизвестное название

Туран тиийэн кэллим.
Ол өксүөннээх күҥҥэ өҥөппөккө,
9790 Самыырдаах халлааҥҥа таһаарбакка,
Былыттаах халлааҥҥа быктарбакка,
Кырынаастыы кыбытан,
Саһыллыы саһыаран,
Киистии кистээн ииппит
Кичэмэ кыыскытын
Кытта көрүһүннэрэн,
Дьүһүннээх көрүҥмүтүнэн
Сөбүлэһэр буоллахпытына,
Хол-буут курдук
9800 Холбоһон-сөбүлэһэн,
Холоонноох доҕордуу буолан,
Сүгүннэрэн-боҕуннаран,
Барыам диэн,
Бу кэлэн турабын.
Сүгэ-балта курдук
Уурунан толкуйданан тураҥҥыт,
Оҕоҕутун оноҕос курдук оҥорон,
Сири сибэккитин курдук
Ситэри симээн,
9810 Дойду чааҕырын курдук
Таҥыннаран киэркэтэн,
Таһаара охсуҥ,
Буойака! — диэтэ.
Инньэ диирин кытта
Тойон Дьоҥсоруун Баай оҕонньор,
Хатын Дьаҥсарыын Баай эмээхсин
Отчут-масчыт
Оторой-матарай
Уолаттара кыргыттара,
9820 Сылгыһыт сыыдам быһыйдара,
Ынахсыт ыллам-дьэллэм
Сэргэх-дьоруо дьахталлара,
Субан-туруйа уолаттара,
Кыталык кыргыттара
Сыһыы аайыттан сыыдамнаһан,
От-мас төрдүттэн ойуолаһан,
Дал аайыттан сампай тардыһан,
Тиэргэн аайыттан
Тиэтэйэ-саарайа,
9830 Сиэлэ хааман,
- 233 -