Page 230 - Неизвестное название
P. 230
Ньирэй бөҕө
Ньиккирэччи мэҥирээбит,
Торҕо буруо унаарыйбыт,
Сугул түптэ иитиллибит,
Ньуу-ньаа саҥа элбээбит.
Чуораан-дьэҥкэ ырыа дьиэрэйдэ.
Ынаҕы сайдааһын,
Сылгыны саттааһын,
9710 Күө-дьаа кэпсэтии элбээбит.
Күлүү-оонньуу үксээбит,
Көр-нар турбут,
Күдүөрүйбүт-сириэдийбит,
Сирдэрэ буолла.
Маннык бэйэлээх
Баараҕай ыал
Иэримэ дьиэлэригэр
Аан алаһаларыгар,
Кэтит ордууларыгар,
9720 Кэкэ чуордарыгар
Сиэллэрэн дэгэтэн,
Дьоруолатан дугутан,
Тоҕус туллук кыылым
Тохтообокко дьурулуу сүүрэр
Дьоруо атым
Таба дугунан ааспат
Дьулусхааннаах дьоруо маҥан
Тусаһаларын ортотугар
Айыылаах киһини
9730 Аттыгар аҕалбат,
Буруйдаах киһини
Букатын чугаһаппат,
Үс моонньохтоох
Үрдүгэр өксөкүлээх,
Сиэллээх дэйбиирдээх
Тойон баадай
Сэргэлэрин төрдүгэр
Солоҥдо тураҕас атын
Чугурус гыннаран тохтото түстэ.
9740 Үс үөстээх өркөн кылыс
Кымньыытын угунан
Сэргэлэрин төбөтүн
Тоҕус үрэх баһа
Дуораһыйыар диэри
- 231 -
