Page 229 - Неизвестное название

Кэтит аймахтара,
9660 Элэҥнэһэр иччилэрэ,
Ханыллыйа модун дьонноро,
Хамсыыра-харамайа
Хайдах эбиттэрий,
Ханна баалларый диэн,
Атын тэһиинин тэнитэн,
Көнтөһүн көннөрөн,
Уостуганын булларан,
Өрө тардан, өйүү тутан,
Омунун тохтотто.
9670 Айанын намыратан,
Оргууй дабдаһан,
Айаннатан иһэн,
Өйдүөн бүдүүлээн көрбүтэ —
Бу кыталыктаах
Кыйаадыма Эбэ
Килэрийэр киинигэр,
Ханайар хаба ортотугар,
Дьогдьойор саалыгар,
Туналыйар ньууругар,
9680 Таалалыыр саһыл хонуутугар,
Ньалҕарыйар таманыгар,
Саннын кэҕэтигэр,
Туйгутуур уорҕатыгар
Бадаҕа биллибэт
Баараҕай балаҕан
Багдайан көһүннэ.
Тардыста барбыт даллаах,
Кыттыһа барбыт кыбыылаах, .
Күөйэ сүүрбүт күрүөлээх,
9690 Хаайа барбыт хаһаалаах,
Эргийэ көппүт эҥийэлээх,
Холбуу барбыт ходуһалаах,
Киэҥ тиэргэннээх,
Кэтит тэлгэһэлээх,
Ыраах ыырдаах.
Ынах бөҕө
Айаатаан лаҥкынаабыт,
Оҕус бөҕө
Лөҥкүнэччи мөҕүрээбит,
9700 Сылгы бөҕө
Дьырылаччы кистээбит,
- 230 -