Page 234 - Неизвестное название

Улаан сиэр аттаах
Дуолан бухатыыр киһи
Айаннатан-астаран,
Сиэллэрэн-дибдитэн,
Уурд ар ан - оҕустаран,
Омуннаах үлүгэрдик
9880 Уһуутаан кэлэн,
Уйусхан кыыл
Ураалаах төбөлөөх,
Оһуор ойуулаах,
Ортоку турар
Тоҕус томторҕолоох
Чуор маҕан
Сэргэлэрин төрдүгэр
Чугурус гына тохтуу түстэ.
Били гынарын кытта
9890 Айыллан үөскээбит
Ачалаах сирэмнээх
Аарыма алаастарын
Арҕаа мындаатыттан
Аҕыстаах-сэттэлээх
Атыыр оҕустар
Айаатаһа туралларын курдук,
Адаардаах төбөлөөх
Аарыма тумуллар
Анарааҥы таһааларыттан
9900 Ардайдаах сиэллээх
Атыыр сылгы
Арҕаһын түүтүн
Арыйа баттаабыт курдук,
Ойдом-сойдом
Аартык устун
Аҕыс субурҕа
Атара баҕыыр атахтаах
Ала-моҕой аттаах
Адьарай бөҕө адьырҕата,
9910 Көстүбэт бөҕө күтүрдээҕэ
Күдэн ортотугар
Көтүтэн өрүкүтэн,
Кэлэн турар.
Кэҕэ кыыллаах
Кэрдиис ойуулаах,
Сэттэ сарбынньахтаах,

- 235