Page 28 - Неизвестное название

Түөллэр төгүрүмтэлээх,
Тойон баадай сэргэтигэр
Тумул курдук
Туора баайан
Туолуннаран кэбистэ,
Сүүрэр былыт
850 Түгэҕин курдук
Түллэр дьэрэкээн сөрүөтүнэн
Сөпкө сөрүөлээтэ,
Босхо былыт
Муннугун курдук,
Модун хара бототунан
Болточчу ботолоото,
Кыыһар былыт
Кырыытын курдук
Кытыан дьэрэкээн кычымынан
860 Кып-хам кычымнаата,
Ч аллах былыт
Сарбынньаҕын курдук
Тардыы дьэрэкээн чаппарааҕынан
Саба чаппараахтаата,
Суугунуур соһу былыт
Соһуутун курдук
Сомоҕо мөҥүрүөн ыҥыырынан
Лоппоччу ыҥыырдаата,
Сиэкэнийбэт дьиримэ диэн
870 Тэҥинэн дьириминээтэ,
Холборуйбат холума диэн
Холуйан тарта,
Соһу көмүс
Суларынан сулардаата,
Күрүө көмүс
Үүнүнэн үүннээтэ,
Көнньүөс үрэх тэҥнээҕэ,
Көр дьаҕыл
Көнтөһүнэн көнтөстөөтө,
880 Тэлээн үрэх тэҥнээҕэ,
Дьэллик дьэрэкээн
Тэһиининэн тэһииннээтэ,
Атын үрдүгэр
Өксөкү кыыл курдук
Дап гына олоро түстэ,
Тусаһатын ортотугар
- 25 -