Page 235 - Неизвестное название

Чычыгыр маҥан
Сэргэлэрин төрдүгэр
Тиийэн кэлэн,
9920 Ала моҥой ата
Үс төгүл
Эргийэ көтөн баран,
Туох да бэйэлээх,
Дохсун күүстээх
Чугаһаабат гына
Чорчурхан хара төбөтүн
Тоҕус былас холобурдаах
Туора-маары
Чолооруҥнуу чуубурҕаата,
9930 Куйбуур хара кутуругунан
Икки иэдэһин
Таһыйбахтыы турда.
Абааһы уола
Бэйэтэ буоллаҕына,
Сир сидьиҥ үөнүнэн
Силлиргэччи силлээтэ,
Халлаан хамсыгынан
Хаһыгыраччы хаахтаата,
Кынаттаах кымырдаҕаһынан
9940 Кыккыраччы сыыҥтаата.
Билиги гынарын кытта
Этэн баран, эҕэрийиэх
Икки ардыгар,
Көрөн баран, чыпчылыйыах
Бэтэрээ өртүгэр
Саллар чаҕылҕан чаҕылыс гынна,
Субурҕа чаҕылҕан субурус гынна.
Тоҕус хаттыгастаах
Дьулусханнаах дьулуо
9950 Маҥан халлаан
Дьулайын диэкиттэн
Тумул хайа саҕа
Долгун күөрчэх былыт
Таҥнары аһаллан түстэ.
Үрүҥ күдэн буолан
Үрэлис гынна.
Ол ортотуттан
Киһи диэххэ кэрэгэй,
Абааһы диэххэ атын,
- 236