Page 237 - Неизвестное название

Кутуллан симиллэн түспүтүн устун
Туох эрэ баҕайы
Түҥүр түгэҕин саҕа төгүрүйэн,
Былаайах тилэҕин саҕа былаһыйан,
Куйуур түгэҕин курдук кулаһыйан,
Сат курдук сарайан,
Элиэ курдук элээрэн,
10010 Иһэр эбит.
Өр да буолбата,
Өтөр да буолбата.
Чугаһаан кэлбитэ
Арай, доҕоор,
Кэннигэр киһи
Бысаҕаһын сүкпүт,
Иннигэр сүөһү
Бысаҕаһын сүкпүт
Киһи аҥара киһи
10020 Аҥардам, Аҥардам, Аҥардам
Сүүрэн кэлэн,
Ааттаах бухатыырдары
Тастарынан таһылхайдаата,
Ойоҕосторунан ойуолаата,
Кырыытынан кыйбахтаата,
Төгүрүйэ сүүрдэ,
Төттөрү чугуйда,
Соһуйбут уолуйбут курдук
Соҕотох ойбон
10030 Сулус курдук хараҕынан
Соһуччу көрөн,
Чолбуодуйан турда.
Билиги гынарын кытта,
Багдайан көстөр
Баараҕай балаҕан иһиттэн
Тэтиэнэх киһи
Нэһииччэ сэгэтэн киирэр
Дьиппиэн хара халҕанын
Тэлэйэ баттаан,
10040 Тоҥ харыйа саҕа
Суорбан маҥан торуоскалаах,
Толуу көрүҥнээх,
Томороон дьүһүннээх
Дуолан бухатыыр киһи
Токуйа кырдьыбыта

- 238 -