Page 238 - Неизвестное название
P. 238
Тойон Дьоҥсоруун Баай оҕонньор
Байым-сайым дайбаан,
Бадьыр-идьцр үктэнэн,
Тусаһатын ортотугар туоллан турар.
10050 Кэлбит ыалдьыттарын
Кэриччи - эргиччи
Үтүө дьүһүннэрин,
Үскэллээх бэйэлэрин
Үөс алтан курдугунан
Өргөстөөҕүнэн өрө көрөн,
Тонолуппакка-араарбакка,
Супту одуулаан туран,
Саҥа саҥара,
Өс тобула турбут
10060 Хоһоонун эгэлгэтэ
Маннык буолбут эбит:
— Дьиэ-буо, дьиэ-буо!
Ыраах сиртэн
Ыйдаран-хайдаран,
Ыллык-аартык арыйан,
Айаннаан кэлбит
Ыллаам-дьэллэм
Ыалдьыт хоноһо уолаттарым,
Этэр тылым эгэлгэтин
10070 Истэ сэргэҕэлээҥ,
Көрө бүдүүлээҥ!
Хайан дайды ханчаҕайын
Хайа тэбинэн
Хааман-сиимэн
Халыһыйан кэлэн,
Ааһан иһэҥҥин
Аартыккыт айаҕар,
Айаҥҥыт суолугар
Ааһа хоргуйан,
10080 Аһыы түһэн
Абыранан ааһаары,
Хараатыгыт дуо?
Айан дьоно
Туох дойду дьулаҕайыттан
Туура тэбинэн,
Туран тиийэн кэлэҥҥит,
Туорхаһыйан-аччыктаан,
Төтөл өллөнөн ааһаарыгыт,
- 239 -
