Page 239 - Неизвестное название

Суолгут таарымтатыгар
10090 Тохтоотугут дуо, нохолоор!
Дьоһун сураххытын
Чопчу кырдьык
Чуо-бааччы этиҥ эрэ,
Албан ааккытын
Ааттааҥ эрэ,
Кэлбит наадаҕытын
Килбэйэн турар кырдьыгынан
Кэпсиэҥ эрэ!
Бастаан урут кэлэн
10100 Бастыҥ сэргэҕэ түспүт
Солоҥдо тураҕас аттаах
Тустуулаах Дьуруо Бөҕө
Аатын-суолун ааттаан
Кэлбит наадатын
Кэпсиэн турар,
Кэнники кэлбиттэр эһиги
Кэпсээн кэрэхсэтиҥ,
Кимҥитиний, хайаҕытый,
Буойака! — диэтэ.
10110 Инньэ диирин кытта
Урут кэлбитин быһыытынан
Улаан сиэр аттаах
Айыы бухатыыра
Саманнык диэн
Саҥа саҥара,
Тыл кэпсии турда:
— Дьиэ-буо, дьиэ-буо!
Тойон Дьоҥсоруун Баай оҕонньор,
Туох дойду дьулаҕайыттан
10120 Туора тэбинэн,
Туран тиийэн,
Кэллиҥ диэн,
Дьоһун сурахпын
Суруур буоллаххына,
Аллаах атым
Кыайан таппат
Аар саарбан ааппын
Ааттатар буоллаххына,
Бу түү мээчик курдук
10130 Төкүнүйэн үөскээбит
Түмэн бараан дойдум
- 240 -