Page 242 - Неизвестное название

Кылааннаах кыыс оҕолорун
Нэлэмэн Куону
10220 Аҕыстааҕыттан анаммытым,
Тоҕустааҕыттан сураспытым,
Биэстээҕиттэн билсибитим,
Үстээҕиттэн үлэспитим.
Ол гынан баран
Атыҥҥа аралдьытан
Аныыр аккаастыыр буоллаххытына,
Аанньанан аттаныам суоҕа,
Туспанан сонурҕаан
Сүгүннэрэр буоллаххытына,
10230 Сүгүнүнэн төннүөм суоҕа,
Аччыгый айдаанынан
Аралдьытыаххыт суоҕа,
Кыра кырбааһынынан
Кыыһырдыаххыт суоҕа.
Тойон Дьон соруун Баай оҕонньор,
Хатын Дьаҥсарыын Баай эмээхсин,
Туһааннаах доҕорбун,
Аналлаах кэргэммин
Сир сибэккитин курдук
10240 Ситэри симээн,
Дойду чыычааҕын курдук
Намылыччы таҥыннаран,
Таһаара охсуҥ.
Айаны аралдьытымаҥ,
Сырыыны бытаардымаҥ,
Кэпсээни элбэтимэҥ,
Тылы үксэтимэҥ,
Ойоҕоһуттан умсугуйбуттар,
Быһаарыыта суох былдьаһааччылар,
10250 Ыраахтан сылдьан ымсыырааччылар,
Кэлтэччи кэтэһээччилэр,
Киэр буолуҥ!
Кэбэлийэ тардыҥ!
Эйэ-дэм эрдэҕинэ,
Эрэй-буруй чычааһына,
Эһиги хааҥҥыт
Элиэр эрдэҕинэ,
Мүһэҕит бүтүнүгэр
Уҥуоххут кумаланан
10260 Урусхал буола илигинэ,
- 243 -