Page 241 - Неизвестное название

Туох дии саныыргыт,
Төлкө сииги сииктээҥ,
Туос араҥатын араҥалааҥ,
Буойака! — диэтэ.
Инньэ диирин кытта
10180 Кини кэнниттэн кэлбит
Ала моҕой* ааттаах
Адьарай бөҕө адьырҕата,
Көстүбэт бөҕө күтүрдээҕэ,
Көҥөнөн көппөйө үлүннэ,
Абаран ардьас гынна,
Уордайан уһутуу түстэ,
Ыллаан ыыра барда,
Туойан тоҕо ыстанна:
— Буойака, буойака!
10190 Мин диэтэх киһини
Дьоһун сурахпын
Суруур буоллаххына,
Албан ааппын
Ааттатар буоллаххына,
Алдьархайдаах садыамнаах,
Айыылаах андаҕардаах,
Анысханнаах салгыннаах,
Арҕаа халлаан алын сиксигин
Арыый бэтэрээҥҥи өртүгэр,
10200 Айаҕымсах часкыыр хара
Аймахтарын биистэрин
Аҕа баһылыга буолбут
Аҕыс субурҕа
Атара баҕыыр атахтаах
Ала моҕой ааттаах
Дойдуламмыты эһэр,
Наадыйбыты самнарар,
Дапсыйбыты охторор,
Сутуллаах-илбистээх
10210 Сатаҕа Бөҕө диэн
Буулаҕа бухатыыр кэлэн турабын.
Бу тоҥ харыйа саҕа
Томороон модьу торуоскалаах
Тойон Дьоҥсоруун Баай оҕонньор,
Талах хатыҥ саҕа
Сабарай бөдөҥ дэйбиирдээх
Хатын Дьаҥсарыын Баай эмээхсин
- 242 -