Page 243 - Неизвестное название

Ойох былдьаһа оонньообут
Уолан уолаттар
Ордуугутун булан,
Агдалыйа охсуҥ,
Дайдыгыт диэки
Тарҕаһа тардыҥ, — диэтэ.
Инньэ диирин кытта
Үөһээттэн түспүт
Буулаҕа бухатыыр
10270 Уордайан уодьас гынна,
Кыыһыран кыыдьас гынна,
Саҥа саҥара
Сатарыйа турда:
— Буойака, Буойака!
Туох дойдуттан
Туллан түспүт
Буулаҕа бухатыыргыный диэн,
Суо хаан сурахпын
СУРУУР буоллаххытына,
10280 Добун маҥан халлаан
Дьулусханнаах дьулайыттан
Тутаахтанан үөскээбит
Суһумнуур-дьиримниир
Суодайа сулус уола
Суһал айаннаах,
Суодал сырыылаах,
Этин' илдьитттээх,
Чаҕылҕан дьапсыырдаах,
Салыҥ Кумахай диэн буолабын.
10290 Бу дойдуга
Хайдах түспүккүнүй диэтэргит,
Былыргы дьыл
Быһылааннаах мындаатыгар,
Урукку хонук
Охсуһуулаах уорҕатыгар
Отут ургунньахтаах
Аар туруу дьоҕул дойдуга
Охсуһуу гиэнэ улахана,
Кырбаһыы гиэнэ кытаанаҕа буолбута.
10300 Айыы хаан аймахтарыттан
Алаатыыр Ала Туйгун,
Адьарай бөҕө аймахтарыттан
Өлөр өлүү
- 244 -