Page 244 - Неизвестное название

Түбүлээн Хара бухатыыр
Буолан охсуспуттара.
Онно сирдиин сиҥнибитэ,
Дайдылыын самныбыта,
Халлаанныын хабырыттыбыта,
Сулустуун туллубута.
10310 Ол охсуһуу дорҕоонугар
Суодуйа сулус гиэннэрэ
Туура ыстанан
Туллан түспүтэ,
Ону кытта
Орто дойду улаҕатыгар,
Сир-халлаан
Сириэдийэр сиксигэр,
Дьиппинийэр буоругар,
Кэмчиргэннээх-суһалҕаннаах
10320 Кэп Суорун удьуордарыгар,
Соҕотоҕунан сураҕыран,
Салыҥ Кумахай диэн
Аатыран айдаарбытым.
Ол гынан баран
Уолаттара ордуос,
Кыргыттара кыҥырдыа,
Дьахталлара татыр,
Дьонноро торҕон буоланнар,
Санаам табыллымына,
10330 Дьүһүннэрин сөбүлээбэккэ,
Суол дойдуттан
Сөптөөхпүн көрдүү,
Тэгил дойдуттан
Тэҥнээхпин булаары,
Сиэлэн-хааман
Тиийэн кэлбитим,
Айыы хаан
Аймахтара амырахтар,
Күн өркөн уустара
10340 Көнөлөр диэни истэн,
Дьүһүннэри сөбүлээтэхпинэ,
Нарыннары таптаатахпына,
Кырасыабай кыыстарын
Кыбытан кууһан,
Хоонньуга сытар
Холоонноох доҕор,

- 245 -