Page 245 - Неизвестное название

Тэллэххэ сытар
Тэҥнээх доҕор
Оҥостуом диэммин,
10350 Чиэрэс дойдуттан
Сэндэлийэн тиийэн кэллим.
Арҕаа халлаан адьырҕата
Аҕыстааҕыттан-тоҕустааҕыттан
Анаммытым диэн,
Албыннанан айдаарбыта,
Олус күөмчүлээбитэ.
Атах соболонун аахсыллыа,
Кэлбит эрэйи кэпсэтиллиэ, — диэтэ.
Инньэ диирин кытта
10360 Киһи аҥара киһилэрэ
Сөрүү туттан сөтөрүс гынна,
Антах диэки эрийэ тарта,
Иннин диэки аҕырдаары гынна,
Саҥа саҥараары гыммыта,
Тардыалатар сыҥаах буолла,
Кэпсиэри гыммыта
Кэлэҕэйдиир кэптээх эбит.
Ол да буоллар
Наадатын саҥарда,
10370 Кэриҥин кэпсээтэ,
Аатын ааттаан,
Төрдүн түөрэн,
Түөрэ хаһан барда:
— Буойака, буойака!
Бу хотугу
Холоруктаах-буурҕалаах
Курааһы маҥан халлаан
Кубарсыйар улаҕатыгар
Уордаах-уодаһыннаах,
10380 Хохтоох-холоҥсолоох,
Хомуһуннаах-илбистээх
Хобдох-сойуо удьуордарын
Хорҕолонон үөскээбит
Тимир Лөһүөрдээх
Ойуун аҕалаах этим,
Уот Чалбарай удаҕан
Ийэлээх этим.
Бэйэм буоллахпына
Ийэбиттэн түһээт,
- 246 -