Page 303 - Неизвестное название

Уһаты-туора
12670 Уобалаан барда.
Суолга аартыкка
Торҕонноон кэлбит
Дуолан бухатыырдар
Куҥнары-бууттары
Курдурҕаччы ыстаан,
Силгэлэри-иҥиирдэри,
Сэриэлэри-таманнары,
Тиистэринэн сыыйыта тардан,
Тэллэх-тэллэх саҕаны тэлимнэтэн,
12680 Бото-бото саҕаны болтоҥнотон,
Сөрүө-сөрүө саҕаны соллоҥнотон,
Сотолору-уллутгнары
Тоһута тутан,
Силгэлэри-сүмэлэри
Суптурута оборон,
Көмүрүө уҥуоҕунан
Күүгүнэччи тибиирэ олордулар.
Ол курдук
Аһаан-сиэн,
12690 Астынан-тотон,
Абырана-сырҕаан,
Сылаалара тахсан,
Сэниэ киллэрэн,
Уруккуларынааҕар уонунан ордон,
Биэһинэн бэргээн,
Күүһүрэн-уоҕуран,
Күлэн-үөрэн турдулар.
Ардьамаан-Дьардьамаан
Аһаабыт сиэбит,
12700 Күөстэммит астаммыт
Күдьүөрүйбүт сирдэриттэн
Төбөтүн-туйаҕын,
Тобоҕун-ибэҕин,
Уҥуоҕун-иҥиэҕин
Уотун диэки
Балыксыт ыалым
Балаҕанын үрдүн саҕа
Баабый хара ытыһынан
Сабыта тарыйбахтаан кэбистэ.
12710 Саманнык диэн
Саҥа саҥара,
300 -