Page 29 - Неизвестное название

Куо-дьэллик
Кулан урбай кымньыытын
Өрө туппутунан
890 Саҥа саҥаран
Тыл кэпсии олорбут,
Хоһооно эгэлгэтэ
Манны к буолта үһү:
— Дьиэ-буо, дьиэ-буо!
Бу күн сирин
Көтүрү баттаан көрдөрбүт
Күбэй хотун ийэм,
Кылааннаах өргөстөөх,
Кыыс Ньургун бухатыыр,
900 Туһааннаах доҕорум,
Тыллаах-өстөөх,
Чычыгыр чуоҕур аттаах,
Нарын Ньургустай,
Араан тыа саҕа
Аймах-билэ дьонум,
Этэр тылым эгэлгэтин
Истэ сэргэҕэлээҥ,
Атын дойду
Араскааттаах аартыктарын
910 Арыйан-тэлэйэн
Адьарай бөҕө
Адьырҕаларын кытта
Атааннаһа барда диэн
Санаарҕаан санньыйымаҥ.
Бу отут ургунньахтаах
Орто туруу дьоҕул дойдум
Мунурданан тиийэн
Мултуйар уһугар,
Сир ийэм гиэнэ
920 Сириэдийэр сиксигэр
Айыы сирин
Анарааҥҥы тардыытыгар,
Адьарай сирин
Мэгилгэннээх бэлэһин,
Бэтиэхтиир куолайын
Бэтэрээҥҥи ыпсыытыгар,
Үөһээ бөҕө
Үмүөрүһэн түһэр,
Аллараа бөҕө

— 26 —