Page 333 - Неизвестное название

Өргөстөөх үҥүүлэринэн
13960 Өлөр үөстэригэр
Өтөрүтэ түсүһээри,
Өһүөннээх санааланан,
Өһөс дьүһүннэнэн,
Өһөхтөөҕүнэн көрсүһэн,
Түҥнэри күрдьүөттэһэн,
Сөҥөрдүһэн турдулар.
Көнөнөн кэпсэппэт,
Көннөрүнэн көрсүбэт,
Аанньанан арахсыбат,
13970 Сүгүнүнэн сүктүбэт,
Буулаҕа бухатыырдар
Булустулар быһыылаах.
Былдьаһык гиэнэ быһылааннааҕа,
Охсуһуу бөҕө улахана,
Кырбаһыы кытаанаҕа,
Алдьархай садыам
Аһыллаары гынна бадахтаах.
Сири-дойдуну сиҥнэрээри,
Оту-маһы урусхаллаан,
13980 Киһи-сүөһү кэйгэллэниэ,
Кыыл-сүөл кыйданыа
Буоллаҕа диэннэр,
Күн өркөн уустара,
Айыы хаан аймахтара,
Арҕам-тарҕам бардылар,
Үрүө-тараа сүүрдүлэр.
Билиги гынан эрдэхтэринэ,
Тоҥ харыйа саҕа
Томороон модьу торуоскалаах
13990 Тойон Дьоҥсоруун Баай оҕонньор
Тахсан түөрт туруулаһаары
Турар дуолан бухатыырдар
Тус иннилэригэр кэлэн,
Туоллан туран
Саманнык диэн,
Саҥалаах-иҥэлээх буола турда:
— Дьиэ-буо, дьиэ-буо!
Туспа-туора дойдулар
Дуолан бухатыырдара
14000 Томоонноох соҕус дьон
Буолуохтара диэбитим,

- 330 -