Page 354 - Неизвестное название

Оһуу-тоһуу буолбут
Оһоллоох-ороскуоттаах
Очуос таас хайа
Муҥурданар уһугар
Дьуларыйар дьулайа,
Килэрийэр кирбиитэ,
Кыларыйар кылаана
Кыһыл сымара таас
14870 Кырдал үрдүгэр
Киирэн тураҥҥыт
Тустан туруулаһан
Көрүҥ эрэ, нохолоор!
Киэр буолуҥ,
Кэбэлийэ тардыҥ,
Болдьоҕу хойутаттыгыт,
Кэми аһардыгыт,
Сырыыны бытаартыгыт,
Айаны тартыгыт, — диэтилэр.
14880 Инньэ дииллэрин кытта
Уолуйбут-соһуйбут курдук
Ойон турдулар.'
Туох баҕайыный диэн,
Тула көрөн кэбиспиттэрэ —
Тумул туллубутун курдук
Дуолан бухатыырдар
Тула мустан
Суодаҥнаспыттар эбит.
Кимнээхтэргитий диэн,
14890 Кэпсэтэр кыах кэлиэ дуо?
Ол өлөр өргөскө,
Кырыылаах кылыска,
Оһоллоох очуоска,
Күөн көрсүһэ,
Күрэх былдьаһа,
Күүскэ тэбинэн кэбистилэр.
Оһоллоох очуос хайа
Мултуйар уһугар,
Кыларыйар кытыытыгар,
14900 Кылыс батыйа биитигэр
Кылана часкыйар,
Кыскыйар кыыдааннаах,
Отоохоон батыйа биитигэр
Улуйа тиэйэр
- 351 -