Page 373 - Неизвестное название

Тонолуппакка доҕордоһон сырыттын,
15680 Эрдэҕэс улар саҕа
Эдьээн Иэйэхсиккит
Иннигитигэр-кэннигитигэр
Энчирээбэккэ эҥэрдэстин,
Тэхтиргэ тэптэрбэккэ,
Очурга оҕустарбакка,
Алгыс курдук айаннааҥ!
Аан дойдугутугар тиийэҥҥит
Алаһа дьиэни араҥаччылааҥ,
Аал уоту оттуҥ,
15690 Иэримэ дьиэни иччилээҥ,
Умуллубат уоту оттуҥ,
Уһун буруону унаарытыҥ,
Уолбат ойбону алларыҥ,
Охтубат сэргэни туруоруҥ,
Көтүллүбэт үрүҥ көмүс
Күрүөнү өрүкүтүҥ,
Төлөрүйбэт-мүччүрүйбэт
Суон сүллүгэһи хараҕалааҥ,
Халбарыйбат-сэгийбэт
15700 Халыҥ халҕаны сабыҥ,
Төрөтөр оҕону уйалааҥ,
Иитэр сүөһүнү күрүөлээҥ,
Сыспай сиэллээҕи сыһааҕырдыҥ,
Атырдьах туйахтааҕы арыаллатыҥ,
Кэнчээри ыччаты кэскиллээҥ,
Ороһу оҕону тускуллааҥ,
Ураҕас тиийбэт
Уурайбат-быстыбат
Уйгулаахтык-быйаҥнаахтык,
15710 Уһуннук-дьоллоохтук олоруҥ биэбэккэлэриэм,
Уруй-тускул буоллун,
Уруй-айхал буоллун! — диэтилэр.
Инньэ дииллэрин кытта
Кыталыктаах Кыйаадыма Эбэ хотун
Кытаайкалаах кырдалынан
Торҕо күөх
Толооннорун устун
Солоҥдо тураҕас ат
Чороонноох кымыһы
15720 Дьалкыппат гына,
Дьоруолаан дутунан
- 370 -