Page 377 - Неизвестное название

Ohyop от олбохтонон,
Олорунан кэбистилэр.
Үтүөлэрин үтүөтүнэн
Үссэнэн-өллөнөн,
Астарын бастыҥынан
Астына аһаан,
Чороонноох кымыстарын
Дуоһуйуохтарыгар диэри иһэн,
Утарыта куустуһан,
15860 Уураһан-сыллаһан,
Утахтара ханан,
Уоскуйан-наскыйан,
Сүрэхтэрэ үөрэн,
Санаалара табыллан,
Таҕыллара тарҕанан,
Наҕылыйан-наскыйан,
Сыламнаан-сыһааҕыран,
Сэһэн бастыҥын сэһэргэһэ,
Кэпсээн кэрэтин кэпсэтэ,
15870 Өгүрүк-төгүрүк көрсүһэн,
Үөрэ-көтө олордулар.
Били олордохторуна
Тэбиэн маҕан халлаан
Чинэрийэр көхсүгэр
Тэгиличчи тыган турар
Чэмэлгэн маҕан күннэрин
Сиэллээх-кутуруктаах
Сиэр сылгы тэриитин
Тэниччи тарпыт курдук,
15880 Тэнийэр сигидийэр
Дьэрсээт хара былыт
Хаххалаан барыс гыннарда,
Инньэ гынарын кытта
Хамсык оботтоох
Кураайы салгын
Куугуначчы үрдэ.
Сытыы-чысхаан
Быһыта кымньыылаата,
Саталаах тыал
15890 Сабыта биэрдэ,
Иннилэрин диэки
Эмэгэт саҕа элэкис гынна,
Түптүйэ саҕа сүөдэкис гынна,
374 -