Page 374 - Неизвестное название

Тус ИЛИН диэки
Түһэн бара турда.
Кыталыктаах Кыйаадыма Эбэ хотун
Эҥээттэр эҥэлдьийэр
Илин мындаатын
Мэнээк* таба кыыллар
Мэлэриһэн иһэллэрин курдук
Мэлдьэҥэй маҥаас тумуллар
15730 Уҥа иэдэстэрин диэкиттэн
Эттээх атын иэнин куһааҕын курдук
Эҥэрикээн-мэҥэрикээн аартык устун
Өрө дьэндэтэн тахсан,
Эрдэҕэс улар кыылым
Түөһүн түүтүн курдук
Эбирдэнэн көстөр
Эргийэ хара тыа
Ис өртүгэр эргиллэн көрбөккө,
Элэс гынан хааллылар.
15740 Итинтэн ыла кинилэр
Иннилэрин диэки
Кыталыктаах Кыйаадыма Эбэ хотун
Тардыытыттан тахсан,
Ааннарыттан арахсан,
Ыырыттан ыраатан,
Үр үлгэн-күр үлгэн
Үрэхтэрин бастарынан
Өрүтэ сыыйталаан,
Чиэски сирдэр
15750 Сис хайаларын чиэрэстэтэлээн,
Атын араас дойдулар
Аарыма тайҕаларын
Аһары дайбатан,
Айаннатан-дьалкытан,
Дьабыдьытан баран истилэр.
Ол курдук кинилэр
Чороонноох кымыһы
Дьалкыппат гына
Томоон-омоон дойдуларынан
15760 Дьоруолатан дугутан,
Халыйахтаах арыыны
Дьалкыппат гына
Хамаан-имээн дойдулар устун
Хаамтаран халытан,
- 371 -