Page 369 - Неизвестное название

Көхсүлэрэ көһүйэн,
Күннэрэ бүттэҕэ.
Тиийэ охсон
15510 Сэргэхситиэ этибит, — диэтэ.
Инньэ диирин кытта
Оҕонньордоох эмээхсин
Үөрэн-көтөн,
Эмдэй-сэмдэй сиэттиһэн,
Эйэҥнэһэ түстүлэр:
— Биһиги оҕобут
Сэттэ былас суһуохтаах
Нэлэмэн Куо
Сиргэ түспүт сэрибиэйэ,
15520 Окко түспүт оҥоһуута,
Айыыһыттан анаммыта,
Дьөһөгөйтөн төлкөлөммүтэ,
Иэйэхситтэн иэйиллибитэ
Эйиигин кытта буолбут.
Онон эбит буоллаҕына
Оҕобутун аналлаах
Аартыгар анаабыт,
Туһааннаах доҕоругар
Туттарбат бэйэлээх
15530 Буолуохпут дуо?
Ол гынан баран
Оҕолорбут барахсаттар
Уһун айаҥҥа утатыаххыт,
Холуон ыраах сиргэ хоргуйуоххут,
Ылыҥ эрэ,
Нохолоор-хотуттаар,
Үгүс өйүөтэ,
Өлгөм кэһиитэ
Үтүмэн соҕустук
15540 Бэрт түргэнник
Бэлэмнии охсуҥ, — диэтилэр.
Инньэ дииллэрин кытта
Кылыс-батас кыргыттар
Сырсан сыыдамнаһан кэлэннэр,
Суһал түргэнник
Сулбу-халбы
Туттан бардылар.
Модьу-таҕа көрүҥнээх
Буһуруку-иһирики уолаттар

- 366 -