Page 375 - Неизвестное название

Симиирдээх кымыһы
Хамсаппат гына
Кимээн-имээн сирдэр устун
Сиэллэрэн дибдитэн,
Айаннатан наскытан,
15770 Ыраах сири ылынан,
Күтүр сири мэкийэн,
Дьоһун сири дьокуйан,
Түһэн баран истилэр.
Ол истэхтэринэ,
Иннилэрин диэки
Илбик-силбик сыһыылар,
Арҕара алаастар,
Силлиһэ сирдэр,
Субуруччу толооттор,
15780 Холбуу хочолор,
Үүт үрэхтэр,
Чөҥөрө чүөмпэлэр,
Сүүмэх тураҥнаах,
Иэдьэҕэй бадарааннаах,
Быытта бадарааннаах,
Хатта хайалаах,
Кэхтибэккэ этэр кэҕэлээх,
Ырбакка ыллыыр
Ырыа чыычаахтаах,
15790 Тохтообокко туйаарбыт
Тураҕас күөрэгэйдээх,
Торҕо күөх оттоох,
Нусхаччы үүммүт
Долгуйар толооттордоох,
Үкэр күөх от
Өкүрүччү үүммүт
Өҥ хочолордоох,
Ача күөх от
Аҥаарыччы аспыт
15800 Айгыр-силик оттоох-мастаах,
Аҥаарыйар - айгыстар
Аарыма алаастара,
Сирэминэн чэлгийбит,
Сибэккинэн тэтэрбит,
Чараҥынан намылыйбыт
Талыы дайдыларга
Сиэдэрэй үтүө сирдэргэ
- 372 -