Page 371 - Неизвестное название

Тэрийбит кэһиилэрин,
Астаабыт астарын
Иһиттэри-хомуостары
Туох баарын бука барытын
Бүүс-бүтүннүү
Хомуйан ыланнар,
Ыадаччы ыҥыырдан,
15600 Лөкөччү төргүүлээн,
Солоҥдо тураҕас акка
Кулгааҕар иилэн,
Сиэлигэр тиһэн,
Көҕүлүгэр баайан,
Кулгааҕын көҕүлүттэн
Кутуругун төрдүгэр тиийэ
Симэх курдук тиһэн,
Кыаһаан курдук кыллырҕатан,
Кып-хап кыбытан,
15610 Лип-лап тиһэн,
Батыччы-итиччи баайталаан,
Түспэт-оспот гына,
Төргүүлээн-туомтаан,
Тупсаран-оҥорон кэбистилэр.
Солоҥдо тураҕас ат үрдүгэр
Тустуулаах Дьуруо Бөҕө
Өксөкү кыыл курдук
Үөкэс гына олоро түстэ.
Сэттэ былас суһуохтаах
15620 Нэлэмэн Куону
Сир сибэккитин курдук
Ситэри симээн,
Дойду чараҥын курдук
Намылыччы таҥыннаран,
Мэтэччи мэҕэһиннэрэн,
Ходьоччу олордон,
К үөгэччи -ну схачч ы
Куустаран кэбистилэр.
Көнтөстөрүн иилэн,
15630 Тэһииннэрин туттаран,
Иэйэксийдээх-дьоһуойдаах*
Илин халлаан эргичийэр
Иитин диэкиттэн,
Taxcap күнүм
Сардаҥалаах аартыгын диэки
-'368