Page 372 - Неизвестное название

Салайа тардан,
Туһулаан турдахтарына,
Тойон Дьоҥсоруун Баай оҕонньор,
Хатын Дьаҥсарыын Баай’эмээхсин
15640 Саманнык диэн,
Саҥа саҥара,
Ырыа ыллыы турдулар:
— Дьиэ буо, дьиэ буо!
Үрүҥ көмүс ньилбэхпитигэр
Ү ҥкүрүтэн-бүөбэйдээн,
Үрүҥ дьиэбит
Үрүмэччитэ гыммыт,
Харах харатын курдук
Харыстаан таптаан
15650 Хара дьиэбит
Хараҥаччыта оҥостубут
Кордер харахпыт
Дьүккэтигэр тэҥнээбит,
Көтүрдэр тииспит
Миилэтигэр холуйбут,
Көмүскэбит уута,
Көмүс сымыыппыт
Сэттэ былас суһуохтаах
Нэлэмэн Куо,
15660 Алтай түөстээх
Айыы далбарайбыт оҕотоо,
Туспа дойдуттан
Дьол көрдөһө,
Атын дойдуттан
Айыыһыт тардыһа,
Аҕыс тоҕойдоох
Аартыгы арыйан,
Айаҥҥа туран
Аттанар күнүҥ
15670 Аҥаарыйан таҕыста.
Арылыас көтөр саҕа
Ахтар Айыыһыккыт
Акымал устата холобурдаах
Арахсыбакка-сылайбакка,
Аргыстаһан сырыттын,
Токутар улар саҕа
Дьөһөгөй айыыгыт
Тоҥолох устата холобурдаах
- 369 -