Page 379 - Неизвестное название

Дьөлө тэпсибиккит.
Көҥкөлөй үүтүгэр
Көндөйгө түбэһэммин
15940 Көппөйөр сүрэҕим мөчөкөтө,
Көрдөр хараҕым уута
Көхсүм өһөҕө
Көбүөхтүүр тыыным ордон,
Кутуйах ороҕун кэҥэтэн,
Көбөн күөрэйэн тахсан,
Киһи-хара буолан,
Туһааннаах доҕорбун
Туура туттарбыккын,
Тоҥоттоох суолгун сонордоон,
15950 Тута баттаан кэлэн,
Түркүннээх түөкүнү
Тоҥолоххуттан туттаҕым,
Хаарыаннаах бэйэлээх
Хатын ойохпун
Халты харбаппыт
Хара түөкүнү
Харытыттан харбаатаҕым,
Үгүс кэпсэтиитэ суох
Эрэй-буруй чычааһына,
15960 Эйэ-нэм эрдэтинэ
Хоонньуга сытар
Холоонноох доҕорбун,
Бэйэлээх бэйэм гиэнин,
Бэркэ сөбүлэһэн,
Биһирэһэн холбоспут
Бэртээхэй ойохпун
Бүүс-бүтүннүү мөлбөппүтүнэн,
Чөрү-чөмүччү туналыппытынан
Туттар эрэ, нойон киһиэ!
15970 Былдьаһын-тардыһан,
Бысталанар да буоллаххына,
Үрүт-арыт түсүһэн,
Өлүү-өлүүкэ
Үллэстэр да күннээх буоллаххына,
Умсугуйбут өртүгүн
Үчүгэй дьүһүннээҕин
Үөһээ бысаҕаһын
Өлүүгэр да ылыаҥ буоллаҕа,
Алын бысаҕаһын мин бэйэм
- 376 -