Page 381 - Неизвестное название

Суол дойдуттан
Сөптөөххүн көрөн,
Хоонньуга сытар
Холоонноох доҕоро суох
Сылдьарыҥ сатаммата буолуо.
Ол гынан баран
Бу Нэлэмэн Куо биһиги
16030 Сиргэ түспүт сэрэбиэйбитин,
Окко түспүт оҥоһуубутун
Ахтар Айыыһыппыт,
Дьөһөгөй Иэйэхсиппит
Куппутун-сүрбүтүн
Биир сүллүгэс*
Үүтүнэн уганнар,
Ааспат-арахпат гына
Холбообуттар эбит.
Ол иһин
16040 Атыҥҥа аралдьыйан,
Арахсарбыт табыллыбат.
Бу орто туруу дьоҕул дойдум
Улай-дьэҥкэ киинигэр
Олохсуйан үөскээбит
Күн өркөн уустарыгар,
Айыы хаан аймахтарыгар,
Туналҕаннаах ньуурдаахтар,
Кырасыабай кыргыттар,
Үтүө дьүһүннээхтэр
16050 Үгүс да буолуохтара.
Онуоха холуйдахха
Бу Нэлэмэн Куо
Унуохтарынан омсолоро,
Дьүһүннэринэн бүрэлэрэ буоллаҕа.
Айыы хаан аймахтара
Арыаллаһан олорор сирдэригэр
Атын-атын
Алаастары аастаххына,
Арыы-саһыл хааннаахтар,
16060 Арыалласпыт дойдулара буолуо.
Туспа-туспа
Толоотторго тиийдэххинэ,
Сай самаан
Сайылыктарга сырь^ттаххына,
Туналҕаннаах ньуурдаах
- 378 -