Page 384 - Неизвестное название

Урууга ыһыахха
Ыҥырыллан баран,
Улгумнук ойор
Уолчаан буолуом,
Аска-үөлгэ тиийэн
Аһыырга-сииргэ
Аллаах аххан
Атамаан буолуом.
16160 Туналҕаннаах ньуурдаахтар
Сурахтарын истэн баран,
Туттунан чугуйан,
Туран хаалыам дуо?
Суолбут да тоҕойугар
Сулумах соҕус абааһы
Тоһуйбут буоллаҕына,
Тохтотор инибит
Кыра соҕус кыыбаҕаны
Кыйдыырбыт буолуо.
16170 Чэ, хата,
Сулбу-халбы айаннаан,
Түргэнник тиийэ охсуоҕуҥ, — диэн баран,
Көмүк суулларын курдук
Күһүгэрэччи күллэ,
Анараа тыа төбөтө
Сатарыйыар диэри
Алларастаан сатарытта.
Инньэ гынарын кытта
Тустуулаах Дьуруо Бөҕө
16180 Нэлэмэн Куолуун
Солоҥдо тураҕас аттарын
Үрдүгэр уруккуларын курдук
Олорунан кэбистилэр.
Аҥардам абааһылара бастаата.
Солоҥдо тураҕас
Аттара барахсан
Чороонноох кымыһы
Долгуппат гына,
Дьоруолаан дугунан барда.
16190 Аҥаардам абааһы
Аргыстара буоллаҕына,
Ат айаныгар сөп гына
Аҥардам, аҥардам
Айаннаан истэ,
- 381 -