Page 385 - Неизвестное название

Сэлбэҥ-сэлбэҥ дэгэйэн,
Кыччах-кыччах кылыйан,
Олоп-чолоп ойуолаан,
Алах-чалах көрөн,
Ардьах-ирдьэх айаннаан,
16200 Аргыһым диэтэххэ
Аргыс гиэнэ,
Аҥар уһуга буолла.
Суолга көрсүбүт киһи
Соһуйан-уолуйан
Туора ыстанан биэрэр
Дьоно буоллулар.
Дьиэлэригэр да тиийдэхтэринэ,
Айыы хаан аймахтара
Арыаллаһа көрсөллөрүгэр
16210 Амырыын соҕус аргыстаах,
Ынырык соҕус ыалдьыттаах,
Хобдох соҕус хоноһолоох дьон
Тиийииһиктэр быһыылаах.
Сэттэ былас суһуохтаах
Нэлэмэн Куо куттанан
Кута долгуйда,
Куйахата күүрдэ,
Тустуулаах Дьуруо Бөҕөнү
Тула кууспахтаата:
16220 — Доҕоччугум оҕотоо!
Бу туох ааттаах
Суостаах абааһыны
Суол ийэҕэ
Доҕор гынныбыт,
Аартык хотуҥҥа
Аргыс гынныбыт,
Айыккабын доҕолоор,
Куттаннахпын ини!
Куйахам күүрдэҕиэн,
16230 Кутум-сүрүм долгуйдаҕыан,
Хайдах гынан
Хаһан халбарытабыт, — диэн,
Уҥуоҕа хамсаан
Уйулҕата долгуйан,
Уйадыйан истэ.
Ол курдук
Аргыстаһан-айаннаан,
- 382 -