Page 386 - Неизвестное название

Айгыстар быйаҥнаах
Ачалаах аарыма
16240 Алаастары ааһыталаан,
Уйгу быйаҥнаах
Унаар күөх хочолору уҥуордаан,
Сиэдэрэй үчүгэй сирдэри чиэрэстээн,
Тэлэһийэн тэйэн
Тэбиэһирдэн бардылар.
Өр да айаннаабыттарын,
Өтөр да айаннаабыттарын билбэтилэр.
Симилэх гиэнэ дьэбэрэлээҕин,
Аабылаан гиэнэ аҥхайдааҕын,
16250 Тумара гиэнэ туманнааҕын,
Түбэ гиэнэ түҥкэтэҕин устун
Түҥкэл-таҥхал түһэн истилэр.
О л истэхтэринэ,
Күкүр хайа
Күлүгүн диэкиттэн
Баһа-атаҕа биллибэт
Кур түү курдук
Курдаттыы ыйдаҥаран
Күлүгүрэн көстөр
16260 Күлүк хара киһи
Суолларын бүөлүү
Суодас гынна,
Аартыктыран мэһэйдии
Агдас гынна.
Ону көрөөт,
Аҥардам абааһы уола
Часкыыр гиэнэ хатанын часкыйда,
Хачыгыраччы хабырынна,
Өлөр үөһүттэн
16270 Үс төгүл үөгүлээбитинэн
Үрдүгэр саба түспүтүнэн барда.
Инньэ гынарын кытта
Сир түгэҕиттэн
Дэлбэритэ барда,
Халлаан оройуттан
Хабырыта ыстанна,
Тумул хайа саҕа
Хара күдэрик
Үрдүк халлаан
16280 Үллэр өрөһөтүн диэки

- 383 -