Page 438 - Неизвестное название

18560 Уунан харбаһан,
Тараччы тардыһан,
Чирэччи тэбинэн,
Тэҥнэһэн тиириллэн турдулар.
Ону көрөөт,
Тустуулаах Дьуруо Бөҕө
Болуотун үрдүттэн
Муҥ кыраадыһынан
Буурдаан кэбистэ.
Муора кытыытыгар
18570 Буруус таас
Буор быылын курдук
Буралла түһүөр диэри
Ньир гына өрө саалла түстэ.
Луо хара балыгы
Бысаҕаһыгар диэри
Былтас гыннарда,
Өрөҕөтүгэр диэри
Өрө тарта.
Абааһы уоллаах кыыһа
18580 Үөрэн-көтөн үөмэхтэстилэр.
Айахтара хайдарынан алларастаһан,
Луо хара балык
Халыҥ хайыытын хайытан,
Кэтит сэлгиэҕин тиэрэн,
Көрдьүөн көрбүттэрэ —
Көлөөскөлөрө мэлигир,
Биһилэхтэрэ биллибэт.
Мэлигири мэлдьэстилэр,
Ыйдаҥаны ытыстылар,
. 18590 Халтайы харбаатылар,
Кураанаҕы куустулар,
Куру-сарт буоллулар,
Кубарыһа түстүлэр,
Киҥ-наар алдьанна,
Уор-кылыс улаатта,
Сигили-майгы силиннэ,
Сирэй-харах кубулуйда,
Уос-тиис уларыйда
Абааһы кыыһа
18600 Айаҕын атта,
Аһыытын ардьатта,
Ый-хай, ыһыы-хаһыы,
- 437 -