Page 434 - Неизвестное название

Көхсүн иһиттэн
Күүстээхтик көбүөхтээтэ,
18390 Тиэрэ мэтэрийдэ,
Умсары хойуостанна.
Бэлэһин үүтүнэн
Бэгэччэҕэр диэри уган,
Булкуйбахтаан баран,
Чугаһаабыты тутар,
Кэлбит кэтиллэр,
Таарыйбыты тардар,
Тыыпыты сыһыарар
Аптаах кубулҕаттаах
18400 Ал чарай
Идэмир соллоҥ хара
Илимин таһааран,
Уһун туона
Устатын саҕаны
Унньулуччу субуйан,
Унньулутан таһаарда.
Саманнык диэн,
Саҥа саҥара,
Часкыйбахтыы турда:
18410 — Алаатыгар, улаатыгар!
Добун халлаантан
Туллан түспүт
Туһааннаах доҕорум,
Аан дойдуттан
Ананан кэлбит
Аналлаах аргыһым,
Аҥардам бухатыыр,
Тэллэххэ сытар холооннооҕуҥ,
Куудьуйар кубулҕатын,
18420 Ааһар албаһын кытта
Аргыстаһар албастаах буоллаххына,
Бу барылыыр байҕал хотун
Дириҥ сиксигэр тимирэн,
Түҥкэтэх түгэҕэр түһэн,
Ол өлөр-өлүү
Луо хара балыгы
Эккирэтэн көрүө этибит.
Бу туустаах дьүккүүр
Тумара байҕал
18430 Сойуо тиистээҕин тулуйар

- 433 -