Page 433 - Неизвестное название

Оҕолоор!
Онтон баҕас
Мунааран-мунчааран,
Саллан-чаҕыйан,
Санаарҕаан-санньыйан,
18350 Толлон-чугуйан,
Туруох бэйэлээх дьон
Буолуохпут дуо?
Бу туустаах дьүккүүр
Тумара байҕал
Бултаабыт аххан муорам,
Балыктаабыт аххан байҕалым,
Оймообут аххан ойбонум,
Сөтүөлээбит-сууммут чүөмпэлэрим
Буолаахтаатаҕа, — диэбит.
18360 Сибилигин аҕай
Туустаах дьүккүүр
Тумара байҕал хатын
Кэтит эйгэтиттэн
Киэҥ киэлититтэн
Тумара дьуоҕа түгэҕиттэн
Ол өлүү бөҕө хара балыгы
Куйуурунан сомсоон,
Илиминэн эрийэн,
Баҕайыгынан* баһан,
18370 Булан-талан,
Таһаараахтыырым буолаахтыа, — диэтэ да
Абааһы кыыһа
Төттөрү төкүнүйдэ,
Тиэрэ мэтэрийдэ,
Таҥнары таралыйда,
Саах күрдьэх саҕа
Сарайа дагдайда,
Күүлэлээх балаҕан саҕа
Көппөйө үлүннэ,
18380 Anna хайдыбытын курдук
Айаҕын дьаллатта,
Сыма оҥкучаҕын курдук
Сымыһаҕын дьэллэттэ,
Көҥкөлөй үүтүн курдук
Күөмэйин көҥкөттө,
Иһин түгэҕиттэн
Иҥсэлээхтик эппэҥнээтэ,

- 432 -