Page 435 - Неизвестное название

Амырыын айахтааҕыттан
Ааһар куотар
Албастаах буоллаххына,
Миигин кытта
Байҕал түгэҕэр
Барсан көр эрэ,
Нойон киһиэ!
Тулуйбат-куоппат
Уулдьаҕай уҥуохтаах,
18440 Иэдьэҕэй эттээх,
Соҕотох муҥнаах буоллаххына,
Биирдэ мэҥиэстиэхтэрэ,
Соҕотохто уобан,
Төбөҥ оройуттан
Туруору ыйыстыахтара,
Сэрэн-сэрбэн эрэ,
Аҥардам атамаан! — диэтэ.
Абааһы кыыһа
Бэйэтэ буоллаҕына,
18450 Тиэрэ мэтэрийдэ,
Таҥнары таралыйда,
Алтан кыраһынын курдук
Адаархай арҕастаах,
Тимир кыраһынын курдук
Сытыы кылаат чыпчааллаах,*
Хатан үөрбэ хатырыктаах,
Хардааччы хахай саҕа
Хатыылаах арҕастаах,
Таллан эбириэн
18460 Тимир хаахынай балык буолан,
Икки өртүгэр таһыйбахтыы сытта.
Били гынарын кытта
Аҥардам бухатыыр
Умсары түстэ,
Төттөрү төкүнүйдэ.
Иннинэн-кэннинэн
Өргөстөөх уһуктаах,
Инньэ-бүргэс сойуолаах,
Кэдэрги сэлгиэхтээх,
18470 Төттөрү хайыылаах,
Таҥнары тардыахтаах,
Торҕон бөрө саҕа
Тимир дьуос балык буолан,
- 434 -