Page 442 - Неизвестное название

Сүөргүлээх буолуо,
Тэгил дойдуга
Сэмэлээх буолуо.
Эһиги диэтэх дьон
Иккиэн даҕаны
Ситиэх буолбуккутун
Булан арахсар бухатыыр дьон
Буолуохтаах этигит.
18740 Эһиги бэйэлээхтэр
Ааһар бөҕө албаскыт,
Куотар бөҕө кубулҕаккыт
Дэлэ этэ дуо!
Бу байҕал баараҕайын бэйэтин,
Муора буулаҕатын
Тиэрэ тэһииннээн,
Умсары уодьуганнаан,
Ат гынан
Адылыччы миинэн,
18750 Айанныыргыт буоллар,
Аатырыа-сураҕырыа этигит.
Бу сүҥкэннээх соругу
Толорбокко хааллаххытына,
Сүдү улахан сүтүгү
Булбакка төнүннэххитинэ,
Кэпсииргэ да кэрэгэй,
Истэргэ да итэҕэс,
Саныырга да
Саарбах буолар.
18760 Албан ааккытын алдьатымаҥ,
Дьоһун сураххытын сууйумаҥ
Үрдүк ааккытын,
Үтүө сураххытын,
Түһэн биэримэҥ.
Өйдөөн-толкуйдаан
Көрүҥ эрэ,
Хорсуннаах үтүө дьонум, — диэтэ.
Инньэ диирин кытта
Абааһы кыыһа
18770 Айаҕын атан
Алларастыы түстэ.
— Аллаатыгар оҕолоор!
Тустуулаах Дьуруо Бөҕө
Дьоһуннаах үтүө киһи
- 441 -