Page 436 - Неизвестное название

Абааһы кыыһын
An чарай илимин,
Аҥар курааҕыттан
Сөрөнө түстэ да,
Иккиэн тэбис-тэҥҥэ
Байҕал түгэҕин диэки
18480 Төбөлөрүн оройунан
Дьөлө түһэн,
Кутуруктара хорос
Ньылыс гынан хааллылар.
Били гыналларын кытта
Тустуулаах Дьуруо Бөҕө
Түбэ-хара тыаларга
Сүллээх этиҥ курдук
Лүһүгүрүү сүүрэн тахсан,
Томороон суол тирэх мастары
18490 Силистэри-силиргэхтэри
Сиҥнэритэ тардан,
Сигидиччи сүгэн,
Сыһан-соһон киллэрэн,
Үрдүк тумул саҕаны
Үллэччи кыстаата.
Сэттэ сиэттиһэр
Сиэн үрэхтэр
Сэппэрээктэрин-талахтарын
Сиппэхтэри -силистэри
18500 Саралыы тардан,
Хамыйан-мунньан,
Үллэччи үргээн,
Илдьи эрийэн,
Ибили мускуйан,
Сигэ быа оҥостон,
Түүрэ баайан,
Түрбэлии кэлгийэн,
Холбуу көпсөлөөн,
Босхо тумул саҕа
18510 Болуот оҥостон,
Байҕал ортотугар
Бааҕыначчы эрдинэн,
Күүгүнэччи уста сырытта.
Бу көстүбэт бөҕө күөнэхтэрэ,
Күдэн акаарылара,
Көҥкөлөй төбөлөрө,
- 435 -