Page 440 - Неизвестное название

Саманнык диэн
Саҥа саҥаран,
Сатарыйа турда:
— Буойака, буойака!
18650 Бу кудэн бараан дойдум
Киэҥ көхсүттэн
Кэтит эйгэтиттэн
Көрдьүөн сонордоһон,
Көрөн сөбүлээбит
Күндү күөрэгэйим оҕото,
Көрүөхтэ көрбөтөхпүн
Эйигин көрдөр хараҕым
Дьүккэтигэр холуйабын,
Көтүрдэр тииһим
18660 Миилэтигэр тэҥниибин,
Көмүскэм уута
Көмүс чөмчөкөм
Курдук саныыбын.
Туналҕаннаах ньуургар
Суудайан-ымсыыран,
Нохтолоох тойон сүрэҕим
Долгуйан туран туттарбытым.
Харахтаах хааскар
Хараҥаран туран,
18670 Хайгыалаах хара быарым
Хамсаан туран хараастыбытым.
Хаарыаннаах сэгэттэйим,
Хотун ойоҕум,
Ити курдук этимэ,
Идиэл-ходоол саҥарыма.
Эйиигиттэн арахтахпына,
Этим симэһинэ кууруо,
Иҥим хаана кубарыйыа,
Сүрэҕим сүүдүйүө,
18680 Санаам санньыйыа.
Кырасыабай дьүһүннээҕиэм,
Кыыһырбыккын кыларыт.
Умсулҕаннаах ньуурдааҕыам,
Уордайбыккын уҕарыт.
Бу киэҥ тумара байҕал
Кэтит киэлитигэр
Үс луо балык
Баар эбит буоллаҕына,
- 439 -