Page 441 - Неизвестное название

Онтон бииригэр баар буолуохтаах.
18690 Ону таба харбаабакка,
Түбэспиччэ тутан,
Атыны булан,
Алҕас таһааран,
Сыыспыт эбиппит.
Эрэйи харыстаабакка
Иккиһин киирэн,
Эккирэтэн көрбүт киһи
Булуо этэ.
Көрдьөһөр бөҕө күттүөннээх,
18700 Ааттаһар бөҕө ахсааннаах, — диэтэ.
Онуоха буоллаҕына,
Тустуулаах Дьуруо Бөҕө
Саманнык диэн,
, ' Саҥа саҥара турда:
— Дьиэ-буо, дьиэ-буо!
Бу үс дойду
Үтүөлэрин бэртэрин кытта
Үтүрүһэн-хабырыһан,
Сылдьыбытым тухары
18710 Бу Аҥаардам бухатыыр курдук
Уол оҕо уһулуччулаах бэрдин
Букатын даҕаны булан көрбөтөҕүм.
Сири-сибиири
Сиксигинэн эргийдим ини да,
Эмиэ даҕаны эн курдук
Эриэккэстээх оҕону,
Талыыканнаах дьахтары,
Кырасыабай кыыһы
Кыайан булан көрбөтөҕүм.
18720 Онон эбит буоллаҕына,
Икки дойду
Хорсун үтүөлэрэ
Хол-буут курдук
Холбоһон бараҥҥыт,
Кыраттан кыыһырсан,
Кыйдаһар буоллаххытына,
Хомолтолоох буолуо,
Аччыгыйтан айдаарсан,
Арахсан хааллаххытына,
18730 Астыга суох буолсу.
Сүөл дойдуга
- 440 -