Page 437 - Неизвестное название

Көҥдөй мэйиилэр,
Хаһан дагдайаллар,
Туту булан
18520 Туһалыыр күтүрдэр дуу,
Туһалаабат адьарайдар дуу диэн,
Көрө көһүттэ,
Билэ билгэлии сырытта.
Көһүтэн көһүппүтүн кэннэ
Кэмниэ-кэнэҕэс,
Хомнуо-хойут
Бу туората-устата биллибэт
Туустаах дьүккүүр
Тумара байҕал
18530 Аллараа далай
Түгэҕин диэкиттэн
Арбах саҕа күөрэс гынна,
Чыгда курдук дагдас гынна.
Өйдөөн бүдүүлээн көрбүтэ —
Күрбэ саҕа
Көппөйбүт көҕүстээх,
Хойуук саҕа
Холойбут төбөлөөх,
Алдьаммыт өтөх курдук
18540 Ардьайбыт айахтаах,
Сап ойуур курдук
Сарадах кутуруктаах
Өлөр-өлүү
Луо хара балыгы
Ап чарай илимнэринэн
Төбө бысаҕаһын
Тууйа эргийэн баран,
Тумара байҕал
Тостор уораанын диэки
18550 Соһон чугаһатан,
Кыһарыйар кыһамын диэки
Кыйдаран кытыылатан,
Хабырыта дьалкыйа турар
Хайыр килиэ таас
Хара саарын үрдүгэр
Хаахынайдаах дьуос балыктар
Хатана түстүлэр да,
Абааһы уоллаах кыыһа
Илэ бэйэлэринэн буола түһээт,

- 436