Page 444 - Неизвестное название

Иннинэн-кэннинэн
Эбир-дьаҕыл истээх
18820 Аҕыстыы тарайбыт
Адаар үөрбэ атахтаах
Таллан эп-эриэн
Таас бэһирик
Аарыма эһэ саҕа
Ап-баҕа буоланнар,
Өлүү луо хара балыгы
Адалыччы миинэн,
Адаарыччы олорон,
Мэтэччи -чолоччу
18830 Мэҥэстэн кэбистилэр.
Били гыналларын кытта
Тустуулаах Дьуруо Бөҕө
Өлүү луо хара балыгы
Күөнүнэн түһэн,
Көмүк суулларын курдук
Төттөрү анньан,
Түллэх гыннаран кэбиспитэ,
Байҕал түгэҕин диэки
Будулус гынан хаалла.
18840 Тустуулаах Дьуруо Бөҕө
Болуотун үрдүгэр
Буурдаан түстэ да,
Байҕал ортотун диэки
Бааҕыначчы эрдиннэ,
Күүгүнэччи уһунна.
Били баҕайылар
Көһүттэр көстүбэтилэр,
Кэтэстэр кэлбэтилэр,
Биллиэхчэ биллибэтилэр.
18850 Иһиллээтэр иһиллибэт
Иһийэн турар
Иччитэх байҕал буолан,
Иҥиэттэн-иҥсэрэн турда.
Көһүтэ сатаан
Көһүйбүтүн кэннэ,
Кэтэһэ сатаан
Кэлтэйбитин кэннэ,
Хомнуо хойут
Байҕал ортотуттан
18860 Барылыы оргуйда,

- 443 -