Page 445 - Неизвестное название

Үллэр үөһүттэн
Өрүтэ түллэҥнээтэ.
Хойуук саҕа хоройбут төбө
Хончос гынна,
Күрбэ саҕа көппөйбүт көҕүс
Күөрэс гынна,
Чараҥ ойуур саҕа
Сарадах кутурук
Сараадыс гынна,
18870 Арыы-тиит саҕа
Адаархай чыпчаал
Адаарыс гынна,
Кытылга чугаһаан
Тыы курдук тигистэ,
Аал курдук
Анньылла түстэ.
Абааһы уоллаах кыыһа
Ап-чарай илимнэринэн
Эрийэн-сороон
18880 Уруккутааҕар быдан,
Уһулуччу улахан
Өлүү луо хара балыгы
Тарайа-тарайа тардыһан,
Чинэйэ-чинэйэ тэбинэн,
Чолойо-чолойо сосуһан,
Иҥиир быстарынан
Эриһэн бардылар.
Маны көрөөт,
Тустуулаах Дьуруо Бөҕө
18890 Соҕотохто буурдаата,
Ыраахтан ыстанна,
Биирдэ тэбиннэ,
Этиэх түргэнэ
Илимтэн харбаата,
Тутуох иннинэ
Соспутунан барда
Луо хара балыгы
Быһаҕаһыгар диэри
Өрө тарта.
18900 Кэтит сэлгиэҕин тиэрдилэр,
Халыҥ хайыытын хайыттылар,
Инньэ гыналларын кытта
Ый сырдыга
- 444 -