Page 446 - Неизвестное название

Ыйдаҥара тыгар,
Күн уота
Күлүмүрдээн көстөр
Кыыс оҕо
Хаастаах-хараҕа
Тыыннаах кырынаас курдук
18910 Үтүөмсүйэн көстөр
Күндү таас көлөөскө
Тиэрбэс курдук төгүрүк
Дьикти ыраастык
Дьэрэлис гына түстэ.
Тустуулаах Дьуруо Бөҕө
Түргэн үлүгэрдик
Сүдүйэ харбаан ылла,
Солоҥдо тураҕас атын
Уҥа кулгааҕын иһигэр
18920 Уга охсон кэбистэ.
Инньэ гынарын кытта
Абааһы кыыһа
Айаҕын атта,
Аһыытын ардьатта,
Сымыһаҕын дьэллэттэ,
Тыҥыраҕын сарбатта,
Хааһа адаарыйда,
Хараҕа чаҕылыйда,
Саҥа саҥаран
18930 Часкыйбахтыы турда:
— Алаатыгар оҕолоор!
Тустуулаах Дьуруо Бөҕө,
Нойон киһиэ,
Сүҥкэннээх соруккун толордум,
Сүдү улахан сүтүккүн буллардым.
Мин эмиэ суһал сорукка
Дьабдьыл наадаҕа,
Тиэтэллээх тэҥсиккэ,
Былдьаһыктаах сырыыга
18940 Баран истэхпинэ,
Аҥардам бухатыырынан
Аралдьытан кэбиһэҥҥин,
Сүрэхпин туттаран,
Төбөбүн эргитэн,
Санаам саймааран,
Атыҥҥа аралдьытан,
- 445 -