Page 447 - Неизвестное название

Уолланан уйманан,
Улдьааран хааламмын,
Убайдаатар убайбын,
18950 Тойонноотор тойоммун,
Күөнтэ Хара бухатыыры
Көстүбэккэ көппүтүн,
Биллибэккэ мэлийбитин,
Ириэнэх суолун ирдээбэккэ,
Тоҥоттоох суолун сонордообокко,
Тохтотон аралдьытан кэбистигит.
Эһиги ДИЭТЭХ ДЬОН
Билиҥ билгэлээҥ эрэ.
Илэ-бодо эккирэтиэҕиҥ,
18960 Тута-бааччы сонордуоҕуҥ.
Ь1ллыгын-аартыгын
Ыйа-кэрдэ иликкитинэ,
Ыһылы төрүт
Ыытыам суоҕа.
Булан биэрэ иликкитинэ,
Букатын даҕаны
Босхолуом суоҕа.
Билэ охсуҥ,
Билгэлии тардыҥ, — диэтэ.
18970 Иннинэн-кэннинэн,
Иһилик-таһылык эргийдэ,
Уһаты-туора ойуолаата,
Уордайан-омуннанан
Уотунан уһуурбахтаата,
Кыыһыран-кыйаханан ыһыахтанна.
Онуоха буоллаҕына
Тустуулаах Дьуруо Бөҕө
Саманник диэн
Саҥа саҥара турдаҕа.
18980 — Дьиэ буо, дьиэ буо!
Биир дойду
Бэлиэ-кэрэ бэрдэ,
Талыы-талба дьахтара,
Кырасыабай үтүө кыыстара,
Эн диэтэх киһи
Олус тоҕо
У олуйан - соһуйан,
Уйадыйаары гынныҥ.
Ол да убайыҥ

- 446 -