Page 449 - Неизвестное название

Сытымсах мунна бүттүн.
19120 Биһиги бэйэбит
Аҥардамныын атаспынаан,
Кэлтэгэйдиир кэргэмминээн,
Сойуодуку доҕорбунаан,
Туспа суолланан,
Атын аартыктанан,
Аллараа дойду
Алдьархайдаах-садыамнаах
Аҕыс биис
Ууһугар киирэммит
19130 Аҕа баһылыктара,
Торолуйар тойотторо
Хабараан хатыттара буолан,
Кыраларыгар кыырыктыйан,
Улахаттарыгар ордооттоон,
Дьонноругар суоһуран,
Барыларын баһылаан,
Үүрэн-түрүйэн,
Үлтү түүрэйдээн,
Талбыппытынан таалалаан,
19140 Көҥүлбүтүнэн күөдүлгэхтээн,
Уһун уораҕайданан,
Ураадыһан олорорбут
Ордук буолуох этэ.
Сибилигин тиэтэл үлүгэрдик
Айан киэнэ
Ахсымын айаннаан,
Аан дойдубутугар
Алаһа ордуубутугар
Дьиэгинийэр дьиэбитигэр
19150 Тиийэ охсон,
Сылаас эппитинэн
Сыстыһан-сыламнаһан,
Сырылаччы сыллаһан,
Сытан-утуйан,
Сылаабытын таһааран,
Сынньаныа этибит.
Сибилигин тиэтэл бэйэлээхтик
Тиийэ охсуох, — диэтэ да,
Абааһы кыыһа
19160 Аҥардам бухатыыр
Үрдүгэр бүрүнэ түстэ
- 450 -