Page 450 - Неизвестное название

Сон курдук
Суулуу кууста,
Саҕынньах курдук
Сапта тустэ.
Чыыбырҕаччы сылластылар,
Иҥиир утах курдук эристилэр,
Хатыс өтүү курдук хатыстылар,
Ыбылыта ылыстылар,
19170 Ыгыта тардыстылар.
Тумара байҕал
Улаҕатын диэки
Туман күдүө буолан,
Догуур хамса
Буруотун курдук
Тунаарыс гынан хааллылар.
Инньэ гыналларын кытта
Тустуулаах Дьуруо Бөҕө
Солоҥдо тураҕас атын үрдүгэр
19180 Таллан өксөкү курдук
Дап гына
Олоро түстэ да,
Оноҕос курдук
Унаардыбытынан барда.
Солондо тураҕас ат барахсан
Кутуруга су булл ан,
Кулгааҕа чоройон,
Көҕүлэ өрүкүйэн,
Туйаҕа төгүрүйэн,
19190 Ньилбэгэ күөрэйэн,
Тэһииниттэн тэбиэһирэн,
Көнтөһүттэн күүһүрэн,
Уостуганыттан уоҕуран,
Буут быстарынан
Мунутуур түргэнинэн,
Буурҕа-силлиэ курдук
Бурҕачыйан истэ.
Ол курдук
Уурдаран-оҕустаран,
19200 Айаннатан-астаран,
Сиэллэрэн-тэбиннэрэн,
Д ьабыд ытан - дьал кытан,
Ыраах сири ыллыктаан,
Күтүр сири күһэйэн,
- 451 -