Page 452 - Неизвестное название

Тураҕас күөрэгэйдээх,
Барбат бараахтаах,
19250 Күрэммэт көнчөхтөөх,
Кыйдаммат кыталыктаах,
Тураахы туруйалаах,
Халбарыйбат хаастаах,
Куоппат кураҕаччылаах,
Тэлэһийбэт дьиэрэҥнээх
Сир гиэнэ бэрдигэр,
Дайды гиэнэ
Далгырата дайдыга
Тиийэн кэллэ.
19260 Атыттан ойон түстэ.
Солоҥдо тураҕас атын
Уҥа кулгааҕын иһиттэн
Күндү таас көлөөскөтүн,
Сулбу тардан таһааран,
Күндүл маҕан
Күн уотун диэки
Үс төгүл
Эргитэ тутарын кытта
Сэттэ былас суһуохтаах
19270 Нэлэмэн Куо
Эт бэйэтинэн,
Илэ дьүһүнүнэн,
Нусхаччы-күөгэччи
Тура түстэ.
Үөрбүт-көппүт курдук
Өгүрүк-төгүрүк
Өрө көрөн таһаарда:
— Үчүгэйдик да сынньанан,
Уһуннук утуйан,
19280 Уһугуннум дуу, доҕоччуок,
Хайдах-хайдах айаннаан,
Ханан-ханан сылдьан,
Бу кэрэ үтүө дойдуга
Кэлэн турабын.
Били аргыстаһан иһэр
Аҥардам абааһы
Баар дуу, барбыта дуу,
Иннин диэки эргиччи көрүнэн,
Сэрэммит курдук дьигиһийдьийдэ,
19290 Куттанан куруйан курбалдьыйда.

- 453 -