Page 74 - Неизвестное название

Т өбөл өөн -туйахтаан,
Тыыннаах сылгы оҥорон,
Дьырылаччы кистэтэн,
Сүһүөзүнэн сүүрдэн,
Атаҕынан хаамтаран,
Айан-кэрдэн кулуҥ диэн,
Аҕыс тоҕойдоох
Аартык хотун
2830 Аарыма иччитигэр
Айах тутан,
Аһатар-сиэтэр күнүм
Аҥаарыйа таҕыста,
Буойака! — диэтэ.
Инньэ диирин кытта
Этэн баран,
Эҕирийиэн* ис кырыытыгар
Сэттэ тыһы кыла
Сэттэ тааҕылаах убаһа буолан,
2840 Сиэлэн сиэги
Маҥан аартык устун
Сиэллэриттэн-кутуруктарыттан
Холбонон-көтөллөһөн,
Чачыгыраччы киетэһэн,
Сырс ан -чычыгыраһан,
Тиийэн кэллилэр.
Билиги гынарын кытта
Биир тааҕылаах убаһаны
Туйаҕыттан харбаан ылан
2850 Туора-маары далбаатыы-далбаатыы,
Саҥа саҥара турбут эбит:
— Дьиэ-буо, дьиэ-буо!
Бу аҕыс уон аҕыс
Араскааттаах аартыгын
Айгыстар айаҕар,
Тоҕус уон тоҕус
Дьураадыйар суолун
Тутуһар туймуутугар,
Дугуйданан уйаламмыт
2860 Толбонноох эбирдээх
Тойон кыылым,
Аартык иччитэ буолбут
Аарыма кыылым,
Айаххын ат эрэ’
- 71 -